Италия давлат қарзи ЯИМ 133 фоизини ташкил этди

Италия республикаси давлат қарзи ўз тарихидаги энг юқори кўрсаткичга етиб, ЯИМнинг қарийб 133 фоизини ташкил этди, дейилади Халқаро Валюта Жамғармаси ҳисоботида. 

"Давлат қарзи ЯИМга нисбатан 133 фоизга яқинлашган. Бу даража эса, солиқ ҳудуди торайган кенглик бўлиб, солиқ тўловчиларнинг кескинликларга нисбатан чора кўриш имконини камайтиради",  — деб таъкидланади ҳужжатда. 

Шунга қарамай, ХВЖнинг тахмин қилишича, мамлакат иқтисодиёти 2016 йилда 1,1 фоизга ўсади, 2017-2018 йилларда бу рақам —1,25 фоизни ташкил этади. 

Шу билан бирга, жамғарманинг қайд этишича, мазкур ўсишни қисқартирувчи кўплаб таваккалчиликлар мавжуд:– молия бозоридаги ўзгаришлар, қочқинлар оқими ҳамда глобал ўсиш суръатларининг пасайиши оқибатлари шулар жумласидан.