Рио-де-Жанейро олимпиадаси якунланди.
Ўзбекистон делегацияси олимпиаданинг охирги кунида 2та олтин ва 2та бронза медалга эга бўлди ва жами медаллари сонини 13тага етказиб (4та олтин, 2та кумуш ва 7та бронза), умумий рейтингда 21-ўринни эгаллади.
Олимпиада 5 август куни старт олганди, асосий мусобақалар Рио-де-Жанейро шаҳрида кечди, фақат футбол бўйича ўйинлар турли шаҳарларда ўтказилди.
Бу илк марта Жанубий Америка қитъасининг Олимпиадага мезбонлик қилиши бўлди. Бу шунингдек 1968 йилдаги Мехико Олимпиадасидан кейин Лотин Америкаси мамлакатида илк марта Олимпия ўйинлари ўтказилиши бўлди.
Олимпиадада 306та медаллар шодаси ўйналди, иштирокчи делегациялар сони бўйича рекорд натижа қайд этилди - 206. Косово ва Жанубий Судан терма жамоалари илк марта Олимпиада иштирокчиси бўлишди.
Олимпиаданинг охирги кунида 12та медаллар жамланмаси ўйналди.
Волейбол, эркаклар
1. Бразилия
2. Италия
3. АҚШ
Енгил атлетика, эркаклар, марафон
1. Элиуд Кипчоге (Кения)
2. Фейиса Лилеса (Эфиопия)
3. Гален Рапп (АҚШ)
Гандбол, эркаклар
1. Дания
2. Франция
3. Германия
Баскетбол, эркаклар
1. АҚШ
2. Сербия
3. Испания
Бадиий гимнастика, гуруҳ машқлари
1. Россия
2. Испания
3. Болгария
Маунтинбайк, эркаклар, кросс
1. Нино Шуртер (Швейцария)
2. Ярослав Кулгави (Чехия)
3. Карлос Колома (Испания)
Эркин кураш, эркаклар, -65 кг
1. Сослан Рамонов (Россия)
2. Тогрул Асгаров (Озарбайжон)
3. Франк Чамизо Маркес (Италия)
3. Ихтиёр Наврўзов (Ўзбекистон)
Бокс, аёллар, -75 кг
1. Кларесса Шилдс (АҚШ)
2. Наухка Фонтейн (Нидерландия)
Бокс, эркаклар, -52 кг
1. Шаҳобидин Зоиров (Ўзбекистон)
2. Миша Алоян (Россия)
Эркин кураш, эркаклар, -97 кг
1. Кайл Фредерик Снайдер (АҚШ)
2. Хетаг Газюмов (Озарбайжон)
3. Магомед Ибрагимов (Ўзбекистон)
3. Альберт Саритов (Руминия)
Бокс, эркаклар, -64 кг
1. Фазлиддин Ғоибназаров (Ўзбекистон)
2. Лоренцо Коллазо Сотомайор (Озарбайжон)
Бокс, эркаклар, +91 кг
1. Тони Йока (Франция)
2. Жозеф Жойс (Буюк Британия)
Биринчи ўринни биринчи кунларданоқ рейтингнинг энг юқори ўрнида жойлашган америкаликлар эгаллади.
Умумий рейтингнинг кучли ўнталиги эса қуйидагича кўриниш олди:
Рио-2016, медаллар ҳисоби (жами-олтин-кумуш-бронза)
1. АҚШ – 121 (46-37-38)
2. Буюк Британия – 67 (27-23-17)
3. Хитой – 70 (26-18-26)
4. Россия – 56 (19-18-19)
5. Германия – 42 (17-10-15)
6. Япония – 41 (12-8-21)
7. Франция – 42 (10-18-14)
8. Жанубий Корея – 21 (9-3-9)
9. Италия – 28 (8-12-8)
10. Австралия – 29 (8-11-10)
