Трамп Ҳиллари Клинтонни қамоққа ташлашни таклиф қилди

АҚШ президенти лавозимига номзод Дональд Трамп унинг президентлик пойгаси бўйича рақиби Ҳиллари Клинтоннинг қамоқда ўтириши кераклигини оммавий равишда билдириб ўтди. Трамп бу ҳақда Пенсильвания штатидаги Манхейм шаҳридаги чиқиши вақтида айтган.

"У кўп можароларга аралашган ва кўп маротаба ёлғончиликда тутилган. Бироқ энг ёмони, мен АҚШ фуқароси сифатида гувоҳ бўлганим, ўтган ҳафтада ФҚБ директори Клинтон қутула олган нарсадан қандай қилиб қутула олганини тушунтиришга уринганда юз берди. Шунинг учун у қамоқда бўлиши керак. Сизга айтишга ижозат бергайсиз, у қамоқда бўлиши керак", деб айтди Трамп.  

Трамп шунингдек бир қатор ОАВни Клинтонни ҳимоя қилиш ва қўллаб-қувватлашда айблади.

Трампнинг Клинтонга эътирозлари Клинтон АҚШ давлат котиби бўлганда ўзининг хусусий электрон почтасидан фойдалангани билан боғланган. Бу Клинтонга хизмат бўйича ёзишмаларни жамоатчилик кўзидан яширишга имкон берган ва шу билан бирга махфий маълумотларга бузиб кирилиш хавфини солган.

Аввалроқ Трамп Клинтонни ўз турмуш ўртоғи Билл Клинтонга бевафоликда гумон қилганди. Трамп Клинтоннинг кимгадир, айниқса эри Биллга вафодорлиги борасида киноя қилган. Боз устига Билл Клинтон ҳам президентлиги вақтида рафиқасига бевафолик қилган. Трамп Хиллари Клинтон фақатгина ўз ҳомийларига вафодор деб айтган.