ОАВ: Verizon компанияси Yahoo!’га таклиф қилинаётган нархни тушириши мумкин

Yahoo! компаниясини сотиб олиш истагини билдирган Verizon компанияси унга таклиф қилинган 4,8 млрд долларлик дастлабки нархни туширишга қарор қилди, деб хабар бермоқда Wall Street Journal нашри.

Аввалроқ 2014 йилда хакерлар Yahoo! қидирув тизимини бузиб кирганлари маълум бўлганди. 2016 йилда компания 500 млн фойдаланувчи ҳақидаги маълумотлар ташқарига чиқиб кетганини маълум қилган. Нашр маълумотларига кўра, қидирув тизими ходимлари хакер ҳужуми ҳақида июлда хабардор бўлишган, бироқ бу ҳақда Verizon’га фақатгина сентябрда маълум қилишган.

Yahoo! вакилининг маълум қилишича, компания ўзига берилган баҳога шубҳа қилмайди ва Verizon билан бирлашиш бўйича ишни давом эттирмоқда. Бироқ Verizon вакили Крейг Силлиман агар Yahoo! хакерлик ҳужуми битимни қайта кўриб чиқиш учун етарлича асос деб билмаса, унда бунга исботлар келтириши кераклигини айтди.

Yahoo!’га 1994 йилда асос солинган. Унинг қидирув тизими энг оммавийлардан бири ҳисобланади.