ЖЧ-2022 ўйинлари учун стадионларнинг барчаси Доҳада қурилади

Фото: footballnews.com.ua

ЖЧ-2022 ташкилий қўмитаси ФИФАга мурожаат қилиб, мусобақа ўтказиладиган стадионлар сонини қисқартирмоқчи. Бу ҳақда AS хабар берган.

Қатарликлар чемпионатни 8та стадионда ўтказишни режалаштирмоқда. Уларнинг барчаси Доҳа шаҳри ва шу шаҳар атрофида қурилади. 8 стадиондан 6таси 2019 йилгача қуриб битказилиши кутилмоқда.

Турнирга тайёргарлик бюджети ошкор этилмаган.

Маълумот учун, ЖЧ-2010 10 стадионда, 2014 йилги мундиал 12 стадионда ўтказилган эди. 2018 йили Россияда ўтадиган жаҳон чемпионати учун ҳам 12та стадион тайёрланган.