Фото: navoissm.uz
Ўзбекистон стандартлаштириш, метрология ва сертификатлаштириш агентлигига («Ўзстандарт») Актам Ҳайитов янги бош директор бўлди. Бу ҳақда «Газета.uz» ҳукуматдаги манбасига асосланган ҳолда хабар берди.
Актам Ҳайитов (1974 йилда туғилган) — Самарқанд кооператив институти битирувчиси бўлиб, 2010 йил мартидан 2014 йилнинг июлигача Ўзбекистон меҳнат ва аҳолини ижтимоий муҳофаза қилиш вазири бўлиб ишлаган, сўнг — 2014-йил сентябридан «Биокимё» акциядорлик жамиятида иқтисодиёт ва режалаштириш бўйича директор бўлган.
15 октябрь куни «Ўзстандарт» раҳбари сифатида 2012 йил июнидан буён ишлаб келган Абдусалом Қурбонов ўз лавозимидан озод этилгани тўғрисида хабар берилганди.
