Калифорнияда сайёҳлар автобуси ЙТҲга учраши оқибатида 13 киши ҳалок бўлди

Фото: The Desert Sun

23 октябрда АҚШнинг Калифорния штатида сайёҳлар автобуси юк машинаси билан тўқнашиши оқибатида 13 киши ҳалок бўлди. Бу ҳақда NBC News хабар берган.

Автоҳалокат Ҳинду каньонида – Сонома ва Санта-Барбара шаҳарлари ўртасидаги трассада, Палм-Спрингс курорт шаҳри яқинида юз берган. Автобус катта тезликда келиб юк машинасининг орқасига урилган. Автобус ҳайдовчиси ҳалок бўлган.

Воқеа жойига келган қутқарувчилар мажақланиб кетган автобус ичидан йўловчиларни чиқариб олишган.

Маълум қилинишича, йўл-транспорт ҳодисаси оқибатида яна 31 киши жароҳатланган. Уларнинг барчаси шифохонага жўнатилган.

Ҳуқуқ-тартибот муассасалари ЙТҲ сабабини аниқлаштирмоқдалар.