Куба Трампнинг ғалабаси ортидан ҳарбий машғулотлар бошлайди

АҚШдаги президентлик сайловлари якунланиши ва унда Дональд Трамп ғалаба қозониши ортидан Кубада «душманона ҳаракатлар»га қарши қаратилган 5 кунлик ҳарбий машғулотлар бошланади. Бу ҳақда Reuters хабар берган.

Агентлик маълумотига кўра, Куба бу ҳарбий машғулотларни АҚШдаги сайлов натижалари билан тўғридан-тўғри боғламаяпти. 

Лекин Трамп Барак Обама ўз лавозимини тарк этишидан кейин бу мамлакат билан унинг даврида яхшиланган муносабатларни қайта кўриб чиқиш ҳақида билдирганди.

«Бу баёнот бўйича расмий муносабат билдирилмади», — дейилган агентлик хабарида.

Республикачилар партияси номзоди Дональд Трамп АҚШда президент сайловларида ғолиб бўлди. У 279та сайловчи овозини олди ва 218та овоз йиққан демократлар вакили Ҳиллари Клинтонни енгди.