Трампнинг ўғли сайлов жараёнида Нью-Йорк штати қонунини бузди

Фото: Эрик Трампнинг Twitter-аккаунтидан скриншот

АҚШ президенти лавозимига номзод Дональд Трампнинг ўғли Эрик Трамп интернетда президентлик сайловларининг ўзига тегишли овоз бериш бюллетени суратини жойлаштирди. У шу тариқа бундай суратларни ижтимоий тармоқларда жойлаштиришни тақиқловчи Нью-Йорк штати сайлов ҳуқуқини бузди ва энди катта жаримага тортилиши мумкин.

Эрик Трамп ўз овозини отасига берганини кўриш мумкин бўлган сурат твиттерда жойлаштирилди. У бу суратга "Ўз отангга овоз бериш нақадар шарафлидир! У АҚШ учун жуда катта ишни қилди", деб изоҳ қолдирди.

Бироқ кейинроқ Эрик суратни ўчириб ташлаган, бироқ сурат интернетда тарқалиб улгурган, деб ёзмоқда The Hill нашри.