Месси сочларини бўяшга нима сабаб бўлганини маълум қилди

“Барселона” ва Аргентина терма жамоаси футболчиси Лионель Месси ёзда сочини сарғиш рангга бўяш ҳақида қарор қилганини хабар берди. Бу Америка Кубоги финалида Чилига қарши кечган учрашувдаги аламли мағлубият билан боғлиқ экан. 

“Сочларимни бўяшга нима туртки берди? Аслида мен фақатгина ташқи қиёфамни ўзгартирмадим. Сочларимни бўятишга ўша беллашувдаги пенальтилар сериясида мағлуб бўлганимиз сабаб бўлди. Мен ҳаммасини бошидан бошлашга қарор қилдим: янги мавсумни, ўз ҳаётимдаги янги босқични”, - Мессининг сўзларини келтиради Mirror.