Левандовски «Барселона»ни тарк этишини эълон қилди

Полша миллий жамоаси ҳужумчиси Роберт Левандовски мавсум охирида Испаниянинг «Барселона» клубини тарк этишини маълум қилди.

Фото: Getty Images

«Мен миссиям якунланганини ҳис қиляпман: тўрт мавсум, учта чемпионлик», деб ёзди 37 ёшли ҳужумчи ижтимоий тармоқларда.

Левандовски 2022 йилнинг ёзида «Барселона» футболчисига айланди. Уч карра Испания чемпиони мақомидан ташқари, у шунча марта Испания Суперкубоги соҳибига айланди ва бир марта Испания Кубогини қўлга киритди. Шунингдек, у Германиянинг «Бавария» ва «Боруссия» (Дортмунд) жамоаларида кўплаб унвонларни қўлга киритган, Полшанинг «Лех» жамоасида миллий совринларга эга бўлган.

«Барселона» жорий мавсумда Испания чемпиони бўлди. Сўнгги иккита ўйин ўз майдонида «Бетис»га қарши (17 май) ва меҳмонда «Валенсия»га қарши (23 май) бўлиб ўтади.