Фото: Flicr
Покистонда қўлбола спиртли ичимлик сабаб камида 23 киши ҳалок бўлди, деб хабар беради Geo TV телеканали.
Ҳодиса Панжоб вилоятидаги Тоба-Тек-Сингх округида рўй берган. Ҳалок бўлганлар Рождество байрамини нишонлашган. 16 киши касалхонада қолмоқда.
Маҳаллий ҳукумат ҳодиса сабабларини ўрганиш бўйича махсус гуруҳ тузди.
Маълумот учун, Покистонда алкоголь сотувида жиддий қоидалар амал қилади. Уларни расман фақатгина исломдан бошқа исталган дин жамоаси вакиллари маълум бир чеклов билан харид қилишлари мумкин.
