Фото: ТАСС
Россия мудофаа вазирлиги ҳарбий-коинот кучлари маркази мутахассислари 25 декабрда Қора денгизда ҳалокатга учраган Ту-154 самолётининг қора қутиларидан биридаги ёзувнинг дастлабки таҳлилини ўтказишди. Бу ҳақда вазиятдан хабардор манбага иқтибос келтирган ҳолда "Интерфакс" ахборот агентлиги хабар бермоқда.
"Қора қутининг дастлабки таҳлили якунланди. У самолётни бошқаришдаги хато билан боғлиқ тахмин устувор эканлиги ҳақида хулоса қилишга имкон беради", деб айтди манба.
Манба қора қутидаги ёзув борасида ҳеч қандай тафсилотларни келтирмаган.
