Фото: Sputnik
Бирлашган миллатлар ташкилоти Эстония, Латвия ва Литва мақомини расман ўзгартирди. Эндиликда бу давлатлар Европанинг шарқий эмас, балки шимолий қисмида жойлашди. Учта Болтиқбўйи давлатининг мақоми ўзгариши БМТ статистик бўлимида кўрсатиб ўтилган.
Ўзгаришлар Европа парламенти томонидан 2017 йилнинг 7 январь куни тасдиқланди. Бу ҳолатга латвиялик сиёсатчи ва Европарламент депутати Артис Пабрикнинг твиттердаги хабаридан сўнг эътибор қаратишган.
Шунингдек, Шимолий Европа мамлакатлари рўйхатида Буюк Британия, Швеция, Финляндия, Ирландия ва Исландия, Норвегия, Дания ҳамда бир неча ороллар бор.
Шарқий Европадан эса Белорусь, Болгария, Чехия, Венгрия, Польша, Молдавия, Руминия, Россия, Словакия ва Украина жой олди.
