Иорданиянинг янги ҳукумати қасамёд қабул қилди

фото: Reuters

Иордания қироли Абдуллоҳ II мамлакатнинг аввалги бош вазири Хани ал-Мулкий бошчилигидаги янги ҳукуматдан қасамёд қабул қилди. Бу ҳақда Reuters ахборот агентлиги хабар бермоқда.

Ахборот агентлиги маълумотларига кўра, бу ўзгаришлар ал-Мулкийнинг 2016 йил 1 июнда бош вазир лавозимига ўтиришидан кейинги ҳукуматдаги иккинчи ходимлар алмашинувидир. Янги ўзгаришлар бош вазир кенг иқтисодий ислоҳотларни ўтказиш ва хавфсизлик соҳасида хавфларни бартараф этиш бўйича чоралар қабул қилишига имконият бериш учун қилинди.

Иордания ҳукумати 14 январда истеъфога чиққанди. Маълум қилинишича, ҳукумат аъзолари бош вазир илтимосига кўра истеъфога кетганлар.