Трамп инаугурациядаги нутқида нималар ҳақида гапириши аён этилди

АҚШ президенти этиб сайланган Дональд Трамп 20 январдаги инаугурация нутқида ўз ватанига шахсий қарашини тақдим қилади, деб маълум қилди журналистларга 19 январда Трампнинг матбуот котиби Шон Спайсер.

"Бизда бу бўйича қўшимча маълумот бўлади, бироқ бу нутқ Трампнинг бу давлатга жуда шахсий ва самимий таърифи бўлади", деб айтди Спайсер.

Унинг айтишича, Трамп "америкалик бўлиш нимани англатиши, ўрта синф учраётган чақириқлар" ҳақида фикр юритади. "У, шунингдек, инфратузилма ва таълим, ишлаб чиқариш базаси ҳақида гапиради. Фикримча, бу кун тартибидан кўра катта фалсафий ҳужжат бўлади. Бу унинг давлат, ҳукумат ва фуқаролар роли борасидаги қараши бўлади", деб қўшимча қилди Спайсер.