АҚШ президенти Дональд Трамп Марказий разведка бошқармасини Миллий хавфсизлик кенгаши таркибига қайтариш ҳақида топшириқ берди. Бу ҳақда Оқ уй расмий вакили маълум қилди, деб хабар берган Reuters.
Унинг сўзларига кўра, МРБ Барак Обама президентлиги йилларида Миллий хавфсизлик кенгаши таркибида бўлмаган. У шунингдек, Трамп бундай қарорни МРБнинг янги раҳбари Майкл Помпеога ҳурмат тариқасида қабул қилганини ҳам айтиб ўтди.
Маълумот учун, МРБ Миллий хавфсизлик кенгашидан 2005 йилда – кичик Жорж Бушнинг иккинчи президентлик муддати давомида четлатилган.
