Путин Россиянинг Суриядаги мақсадини маълум қилди

Фото: ТАСС

Россия президенти Владимир Путин маълум қилдики, Россиянинг Суриядаги вазифаси бу мамлакатнинг қонуний ҳукуматини сақлаб қолишдир. Бу ҳақда ТАСС хабар тарқатди.

«Биз ўз олдимизга Суриянинг ички ишларига аралашишни мақсад қилиб қўймаганмиз. Бизнинг вазифамиз — мамлакатда қонуний ҳукуматни сақлаб қолиш ва халқаро терроризмга ҳал қилувчи зарбани беришдир», — деган президент.

У «Сурияни терроризм балосидан қутқариш»га сиёсий барқарорликни таъминлаш орқали эришиш мумкинлигини қўшимча қилган.

Бундан аввалроқ Дональд Трамп ўзининг Суриядаги мақсади ҳақида гапирган, Башар Асадни ҳукуматдан кетказиш ниятида эмаслигини айтганди.

Тайёрлаган Азиз Қаршиев

#Башар Асад

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.