Кекса спортчиларга мўлжалланган марафонлар рекордчиси вафот этди

Канадалик югуриш билан шуғулланувчи спортчи Эд Уитлок 86 ёшида вафот этди, деб хабар бермоқда Reuters. У кекса ёшли инсонларга мўлжалланган кўплаб мусобақалар рекордчиси саналади.

Уитлок Торонто касалхонасида 86 ёшга тўлганидан бир ҳафта ўтиб ҳаётдан кўз юмган. Унинг ўлимига простата саратони сабаб бўлди.

Канадалик спортчига “70 ва ундан катта” ёш гуруҳларида 1500 метрлик масофадан то марафонга қадар бир қанча жаҳон рекордлари тегишли. 2003 йилда Уитлок Торонтода, 72 ёшида, ушбу ёш гуруҳидаги уч соатлик марафонни чопиб ўтган илк спортчига айланди. Унинг натижаси 2 соату 59 дақиқа ва 10 сонияга тенг бўлган.