Туркларнинг "Гунеш" газетаси ўз сонларидан бирининг муқовасида Германия канцлери Ангела Меркелни нацистлар кийимида ва Ҳитлер каби мўйлаб билан тасвирлади. Сурат остига "Фрау Ҳитлер" дея ёзиб қўйилган.
Эслатиб ўтамиз, Туркия президенти Ражаб Тойиб Эрдўған Германияни нацизмда айблаганди. Бунга Германия ҳукумати Туркия адлия вазири Бакир Бўздоғга Германиядаги турк диаспораси олдида чиқишни тақиқлагани сабаб бўлганди.
