Номаълум эркак АҚШ президенти Дональд Трампнинг қўриқчилари ёнидан билдирмасдан ўтиб кетиб, унинг Флоридадаги Мар-а-Лаго қароргоҳидаги ишчи хонасига киришга муваффақ бўлди. Эркак хонада селфига тушгач, у ерни тарк этган. Бу ҳақда New York Post нашри хабар бермоқда.
Эркак Трампнинг хонасида тушган суратини ижтимоий тармоқда чоп этган ва унга "Селфи қилиш учун махсус хизмат ёнидан ўтиб кетдик. Улар бизга у ерга бормаслигимизни айтишлари мумкин эди" деб изоҳ қолдирган.
Эркак кейинроқ бу постини ўчириб ташлаган, бироқ унинг сурати интернетда тарқалиб кетишга улгурган ва номаълум кишига АҚШ президенти хонасига киришга ижозат берган махсус хизмат ишига кўплаб саволлар туғдирган.
Аввалроқ махфий хизмат агентининг машинасидан миллий хавфсизликка тегишли муҳим маълумотлар сақланган ноутбук ўғирлаб кетилганди. Ўғри ҳанузгача топилмаган.
