Ўзбекистон 2016 йилда енгил автомобиллар ишлаб чиқаришни 2015 йил билан таққослаганда 52,5 фоизга камайтирди. Бу ҳақда Халқаро автомобиль ишлаб чиқарувчилар ташкилоти (OICA) маълумотлари дарак бермоқда.
OICA маълумотига кўра, Ўзбекистонда енгил автомобиллар ишлаб чиқариш ҳажми 2015 йилдаги 185,4 мингдан 2016 йилда 88,15 мингга қадар тушган.
Ўзбекистон МДҲ давлатлари ичида автомобиль ишлаб чиқариш ҳажми бўйича Россиядан (2016 йилда 1,304 млн.) сўнг иккинчи ўринни эгаллайди.
