Швецияда ўқувчиларни олиб кетаётган автобус ағдарилиб кетди

Фото: Twitter.com/@JMNoticias

Швециянинг марказий қисмидаги Херьедален вилоятида 50 дан кўпроқ мактаб ўқувчисини олиб кетаётган автобус йўлдан чиқиб кетиб, ағдарилиб кетган. Бу ҳақда РИА “Новости” ахборот агентлиги хабар бермоқда.

Йўл-транспорт ҳодисаси 2 апрель куни эрталаб Свег шаҳридан 20 км узоқликда юз берган. Воқеа жойига 2 та вертолёт ва бир нечта тез тиббий ёрдам машинаси етиб келган.

Маҳаллий ОАВ маълумотларига кўра, автобусда 8-синфларнинг 50 дан кўпроқ ўқувчиси ва 6 нафар катта ёшли одамлар бўлган. Икки киши шифохонага етказилган. Умумий ҳисобда 30 га яқин одам жароҳат олган.

Воқеага нима сабаб бўлгани ҳали ўрнатилмаган.