Алишер Усмонов Навальнийни судга берди

Россиялик тадбиркор Алишер Усмонов Алексей Навальний ва у раҳбарлик қиладиган Коррупцияга қарши кураш фондини судга берди. Уларга нисбатан ёзилган ариза Москва шаҳар Люблин судига келиб тушган. 

Суд сайтида мурожаат рўйхатдан ўтказилгани маълум қилинган. Ҳозирча, биринчи мажлис муддати номаълум бўлиб қолмоқда. 

Усмоновнинг сўзларига кўра, Навальний тадбиркорни бош вазир Дмитрий Медведев билан коррупцион алоқаларда айблаб, "чегарадан чиққан" ҳамда шу билан унинг обрўсига путур етказган. 

РИА Новости мурожаат қилган адвокатлар эса, Усмонов ўзининг ҳақлигини исботлай олишини тахмин қилишмоқда. Уларнинг таъкидлашларича, ОАВда эълон қилинган маълумотларга мувофиқ, Усмонов Рублёвкадаги битимни амалга оширишда ноқонуний иш қилмаган.