ОАВ: Венесуэладаги намойишларда беш киши ҳалок бўлди

Венесуэлада мамлакат президенти Николаса Мадурога қарши бўлиб ўтаётган намойишлар вақтида, сўнгги маълумотларга кўра, беш киши ҳалок бўлган. Бу ҳақда Estrategia & Negocios нашри хабар бермоқда.

Маҳаллий прокурорнинг сўзларига кўра, 11 апрель куни Баркисимето туманида бўлиб ўтган намойишларда 13 яшар ўспирин ва 36 ёшли эркак ҳалок бўлган. У бошқа тафсилотларга тўхталмаган.

Шунингдек, маълум қилишларича, 6 ва 11 апрель кунлари Каракас ҳамда Валенсияда икки нафар ўсмир отиб ташланган.

Мухолиф депутат Хуан Реквесенснинг айтишича, бешинчи ҳалок бўлган инсон аёл киши. Аёл кўздан ёш оқизувчи газдан буғилиб ўлган.