Ҳиндистоннинг Мумбай, Ченнай ва Ҳайдаробод шаҳарларидаги аэропортларда самолётларнинг ўғирланиш хавфи юзага келгани туфайли тревога ҳолати эълон қилинди.
The Indian Express хабарида ёзилишича, хавфсизлик хизматларига келиб тушган маълумотга кўра, 23 кишидан иборат гуруҳ вакиллари бир вақтнинг ўзида 3та аэропортда самолёт ўғирлашни режалаштирган.
Қайд этилишича, бу ҳақда самолёт ўғирлаш режаси ҳақидаги суҳбатни тасодифан эшитиб қолган аёл хабар берган.
Авиакомпаниялар йўловчилардан аэропортларга ҳар эҳтимолга қарши барвақтроқ келишни ҳамда хавфсизлик хизматларининг тавсияларини бажаришни сўраган.
