Путин: Фаластин ва Исроил террорчиликка қарши биргаликда курашишлари муҳим

Фото: RIA

Фаластин ва Исроил ўзаро муносабатларни қўллаб-қувватлашлари ва биргаликда террорчиликка қарши курашишлари муҳим, деб айтди Россия президенти Владимир Путин.

2017 йил 11 май куни Путин Сочида Фаластин етакчиси Маҳмуд Аббосни қабул қилди.

Музокаралар натижаларига кўра Путин Фаластин-Исроил ихтилофининг фақатгина сиёсий, халқаро ҳуқуқ асосидаги музокаралар ечими бор деб таъкидлаб ўтди.

"Шунинг учун улар икки томонлама муносабатларни қўллаб-қувватлашлари, бир томонлама қадамлардан тийилишлари, биргаликда ўзаро манфаатли ечимларни излашлари, террорчиликка қарши биргаликда курашишлари муҳим", деб айтган Путин музокаралар натижаларига бағишланган матбуот-анжуманда.