Венесуэла президенти Трампдан "Венесуэладан йўқолишни" талаб қилди

Фото: Nicolás Maduro/ Twitter

Венесуэла президенти Николас Мадуро АҚШ президенти Дональд Трампни АҚШ томондан Венесуэлага нисбатан киритилган навбатдаги санкциялар туфайли кескин танқид остига олди. Бу ҳақда Reuters ахборот агентлиги хабар бермоқда.

Мадуро жонли эфирда нутқ сўзлаётиб Трампга АҚШ бошқалар ишига аралашишни бас қилишини талаб қилиб мурожаат қилди. "Уйингга кет, Дональд Трамп. Венесуэладан йўқол. Бу ердан ифлос қўлларингни торт", деб айтган Мадуро.

Аввалроқ АҚШ Венесуэлага қарши санкциялар рўйхатига Венесуэла олий суди раиси ва етти вакилини киритгани маълум қилинганди. Трампнинг таъкидлашича, Вашингтон ҳамкорлари билан Венесуэладаги вазиятни яхшилайди.