Venesuela prezidenti Trampdan "Venesueladan yo‘qolishni" talab qildi

Venesuela prezidenti Nikolas Maduro AQSh prezidenti Donald Trampni AQSh tomondan Venesuelaga nisbatan kiritilgan navbatdagi sanksiyalar tufayli keskin tanqid ostiga oldi. Bu haqda Reuters axborot agentligi xabar bermoqda.  

Maduro jonli efirda nutq so‘zlayotib Trampga AQSh boshqalar ishiga aralashishni bas qilishini talab qilib murojaat qildi. "Uyingga ket, Donald Tramp. Venesueladan yo‘qol. Bu yerdan iflos qo‘llaringni tort", deb aytgan Maduro.

Avvalroq AQSh Venesuelaga qarshi sanksiyalar ro‘yxatiga Venesuela oliy sudi raisi va yetti vakilini kiritgani ma'lum qilingandi. Trampning ta'kidlashicha, Vashington hamkorlari bilan Venesueladagi vaziyatni yaxshilaydi.