Google рақамли офис доскаларини сота бошлади

Google компанияси Google Jamboard интерактив доскалари сотуви бошлангани ҳақида маълум қилди. Қурилма Hangouts мессенжери ва Google’нинг G Suite офис тўплами (“Ҳужжатлар”, “Тақдимотлар” ва “Диск” иловаси) билан ишлашга мўлжалланган, деб хабар бермоқда CNet.

{Yii::t(}

Ўтказиб юбориш 6s

Ўтказиб юбориш

The Verge портали муаллифларининг қайд этишича, Jamboard – бу “ғалати ҳамда қизиқ” қурилма бўлиб, у коммуникация ва масофадан туриб ишлаш, шунингдек, офисда ёки кичик корхонадаги иш жараёнида фойдаланилиши мумкин. Шу билан бирга, қурилма аслида оддий офис доскаси бўлиб, рақамли стандартларга мослаштирилган, холос.

Унда хатти-ҳаракатни бир миллиметрга қадар аниқ пайқовчи стилуслар ёрдамида чизиш ҳамда ёзилган нарсани бармоқлар ёки катта “ақлли ўчиргич” ёрдамида ўчириб ташлаш мумкин.

Jamboard’да виртуал стикерлар қолдириш ҳамда уларга суратлар, клип-арт ёки эмодзи қўшиш мумкин. Худди шундай функциялар iOS ва Android негизида ишловчи қурилмаларга мўлжалланган Jamboard иловасида ҳам бор.

Jamboard’да яна бир функция борки, унинг ёрдамида ўрнатилган микрофон ва қўшимча HD-камера орқали видеоалоқага чиқиш мумкин. Verge мухбирининг аниқлашича, Jamboard бир вақтнинг ўзида ёки “ақлли доска” экрани, ёхуд камерадан олинган тасвирни кўрсатиши мумкин. Бу икки визуал каналларни қурилманинг ҳозирги нусхасида уйғунлаштириш мумкин эмас.

Androidcentral нашрининг таъкидлашича, Jamboard нархи 4 минг 999 доллардан бошланади. Бунда унинг ичига иккита стилус, битта “ақлли ўчиргич” ва деворга мустаҳкамлаш учун зарур нарсалар киради. Шу билан бирга, фойдаланувчилар ҳар йили хизмат кўрсатиш тўпламини харид қилиши даркор, унинг қиймати 600 долларни ташкил этади. Jamboard нархи ичига қурилмани вертикал ўрнатиш учун зарур бўлган стенд кирмади ва у 1349 долларга алоҳида сотилади.

The Verge Google Jamboard’нинг унинг асосий рақобатчиси - Microsoft Surface Hub билан таққослади. Маълум бўлишича, Jamboard 4 минг долларга арзон бўлгани ҳолда, “фақатгина Google Docs ишлайдиган ноутбукка” ўхшаш. Microsoft қурилмаси эса – бу тўлақонли компьютер экан.