Франция президенти Путин ва Трампга бўлган муносабати ҳақида

Франция президенти Эммануэль Макрон россиялик ва америкалик ҳамкасблари Владимир Путин ва Дональд Трамп билан муносабатларини "бузишни истамаслиги"ни маълум қилди. У Journal du Dimanche'га берган интервьюсида шундай баёнот билан чиқди. 

"Мен Трамп билан учрашдим", - деди французлар етакчиси ва бу музокаралар вақтида у АҚШ президентини "эшитиш ва тушуниш"га ҳаракат қилганини қўшимча қилди. "Трамп биз ўйлаганимиздан-да очиқ инсон бўлиб чиқди. У тўғридан тўғри мулоқот қилишни ёқтиради. Ўйлашимча, у билан илиқ муносабатлар ўрната оламиз", - деди Макрон. 

Владимир Путинга қандай муносабатда эканлиги тўғрисидаги саволга сиёсатчи "Россияни ҳурмат қилиши"ни айтган. "Путинни 300 йиллик дипломатик алоқалар доирасида Францияга таклиф қилдим", - деди Макрон ва у билан талабчан мулоқот олиб бориш ниятида эканини айтди. - Биз мавжуд барча муаммоларни муҳокама қиламиз".

Таъкидлаш жоизки, 29 май куни Парижда Россия ва Франция президентлари учрашуви бўлиб ўтади. Ташриф сабабларидан бири - Версалда Россия императори Пётр I'га бағишланган кўргазманинг очилиши. Россия давлат раҳбари ёрдамчиси Юрий Ушаковнинг сўзларига кўра, Путиннинг Францияга ташрифи мақсади президентлар танишуви, шунингдек икки томонлама муносбатлар ва халқаро кун тартибидаги масалалар бўлади.