Жанубий Кореянинг Samsung компанияси япон бозорида янги Galaxy Feel смартфонини тақдим этди. Бу гаджет ишлаб чиқарувчининг бирор бир смартфонлар қаторига кирмаслиги билан ном қозонди.
Galaxy Feel компаниянинг мобил қурилмалари учун анъанавий ҳисобланган дизайнда ишланган, кичик фарқи - қирралари шаклида. Смартфон япон бозоридан бошқа бозорларга чиқиш ё чиқмаслиги номаълум.
Қурилма 4,7 дюймли 1280Х720 Super AMOLED экранига эга. Смартфон 1,6 ГГц частотали саккиз ядроли SoC процессорида ишлайди. Смартфон 3 Гб оператив ва 32 Гб флеш-хотирага эга. Шунингдек у 16 ва 5 Мп'ли икки камера билан таъминланган.
Янги смартфон 3000 мАс сиғимли аккумуляторда ишлайди, унда бармоқ излари сканери мавжуд. Гаджет сув тушишидан ҳимояланган. Android 7.0 операцион тизимида ишлайди. Galaxy Feel сотувлари билан DoCoMo оператори шуғулланади. У уч хил рангда тақдим этилган: пушти, оқ ва қора. Нархи - 325 доллар.
