"Барселона" ҳужумчиси Лионель Месси жорий мавсум якунлари бўйича Европа чемпионатларининг энг яхши тўпурарига топшириладиган "Олтин бутса" мукофоти билан тақдирланди.
29 ёшли футболчи Испания чемпионатида 34 та учрашувда 37 гол урди ва шу тариқа 74 очко тўплади. 2-ўринни Лиссабоннинг "Спортинг" клуби ҳужумчиси Бас Дост олди, у Португалия чемпионатида 34 та гол муаллифи бўлди. Европанинг энг яхши тўпурарлари кучли учлигидан, шунингдек, Дортмунднинг "Боруссия" клуби ҳужумчиси Пьер-Эмерик Обамейянг 31 та гол билан ўрин эгаллади.
