Бағдод марказида миналаштирилган автомобилнинг портлатилиши оқибатида 10 киши ҳалок бўлди, 22 киши жароҳат олди. Бу ҳақда Ироқ ҳукуматига иқтибос келтирган ҳолда Associated Press ахборот агентлиги хабар бермоқда.
Воқеа кечки пайт юз берган. Машина музқаймоқ сотиладиган дўкон олдига қўйиб кетилган. Тахмин қилинишича, куннинг бу вақтида одамлар билан гавжум бўладиган музқаймоқ дўкони нишонга олинган.
Ушбу теракт учун жавобгарликни ИШИД террорчилик гуруҳи ўз зиммасига олди.