Хитойнинг Сичуань вилоятидаги Чунцин шаҳрида дунёдаги энг мураккаб ва йирик йўл ўтказгич очилди. People's Daily Online нашрининг ёзишича, у беш даража ва 20 та эстакададан иборат, улар саккизта йўналишга бўлиниб кетган.
Йўл ўтказгични қуриш 2009 йилда бошланган бўлиб, фақатгина энди якунланди. Маҳаллий ҳукумат вакиллари сўзларига кўра, автомобилчиларда тўғри йўналишни танлаш билан муаммолар юзага келмайди.
Ҳаттоки ҳайдовчи керакли бурилишни ўтказиб юборса ҳам, у тўғри йўналишга қайрилиш учун яна “500 метрдан бир километрга” қадар юриши лозим бўлади. Бундан ташқари, ҳукуматнинг маълум қилишича, йўл ўтказгичда навигация тизимлари синовдан ўтказилди. улар барча йўналишларни тўғри кўрсатган.
Йўл ўтказгични қуриш деярли якунланган бўлса ҳам, у келаси йилга қадар очилмаслиги мумкин. Бу ҳолат маҳаллий аэропортдан тез юрар автомагистраль қурилгунига қадар рўй беради.
