Римда II-III асрларга тегишли ёғоч уй топилди

Рим метросининг янги учинчи линияси қурувчилари эрамизнинг II—III асрларига тегишли бўлган ёғоч уйни топишди. Бу ҳақда La Repubblica ёзмоқда.

Уйнинг иккита хонаси бугунги кунга қадар ёнғин туфайли яхши ҳолатда сақланиб қолган. Нашрнинг аниқлик киритишича, ёғоч фақатгина жуда яхши иқлим шароитлари ёки табиий офатлардан сўнг (худди Помпей ва Геркулануманинг Везувий уйғонганидан сўнг бузилиши каби) сақланиб қолади.

Таъкидланишича, уйдан бир неча стол ва курсилар топилган. Шунингдек, икки уй ҳайвони – ит ёки мушукнинг суяклари аниқланди.