Трамп Ироқ бош вазирини Мўсулнинг озод этилиши билан табриклади

АҚШ президенти Дональд Трамп Ироқ бош вазири Ҳайдар ал-Ободийни Мўсулнинг ИШИД жангариларидан озод этилгани билан табриклади ҳамда биргаликдаги саъй-ҳаракатлар билан жангариларнинг озод этилган ҳудудларга қайтмасликларининг олдини олиш кераклигини айтди. Бу ҳақда Оқ уйнинг икки етакчи ўртасидаги телефон мулоқоти натижаларига бағишланган баёнотида айтилган.

"Президент Трамп Ироқ бош вазирини Мўсулнинг Ироқ хавфсизлик кучлари томондан озод этилгани билан табриклади, бу эса ИШИДга қарши муҳим босқич бўлди. Президент ироқлик ва америкалик аскарларнинг жасоратини қайд қилиб ўтди ва ИШИДни тўлиқ яксон қилиш бўйича ўз мажбуриятларини таъкидлаб ўтди", дейилган баёнотда.

10 июлда ал-Ободий Мўсулда ИШИД устидан якуний ғалабага эришилганини расман эълон қилганди. Уч йилдан кўпроқ вақт давомида жангарилар томондан ушлаб турилган шаҳарнинг озод этилиши бўйича кампания ўтган йил октябрида бошланганди. 

Операцияда Ироқ армияси махсус кучлари, федерал полицияси, тезкор жавоб бериш кучлари иштирок этган. Уларни АҚШ бошчилигидаги аксилтеррорчилик коалицияси ҳаводан қўллаб-қувватлаб турган.