Ўтган йили жаҳондаги банкларнинг тўртдан бир қисми DDoS-ҳужумларга учраган

2016 йилдаги жаҳондаги ҳар тўртинчи банк DDoS-ҳужумлар оқибатлари билан тўқнаш келди. Бу ҳақда «Касперский лабораторияси» матбуот-релизида айтилади.

Экспертларнинг хабар беришича, кўпроқ молиявий муассасалар банклари бундай турдаги киберҳужумларга учрайди. Тадқиқот маълумотига кўра, банк секторига уюштирилган DDoS-ҳужумдан ўртача зарар миқдори 1 млн. доллардан ошган. Одатда, жиноятчилар банклар сайтига ҳужум қилади – улар барча ҳолатларнинг 49 фоизида ҳужумга учраган.

«Банк секторида обрў жуда муҳим, ҳамда у хавфсизлик билан узвий боғлиқ. Агарда банкларнинг онлайн-сервисларига кириш имкони чекланса, бу мижозлар ишончини таҳдид остига солади. Интернет-банкинг билан боғлиқ бўлган киберҳодисалардан самарали ҳимоя учун компаниялар уларга тайёр туриши керак. Хусусан, DDoS-ҳужумларни тезлик билан аниқлаши ва бартараф этиши мумкин бўлган қарорларга катта эътибор бериш керак», - дея таъкидлаб ўтди «Касперский лабораторияси»нинг Kaspersky DDoS Protection йўналиши раҳбари Алексей Киселев.

Аввалроқ «Касперский лабораторияси» бепул антивирусни ишга туширишини маълум қилгани хабар берилганди.