Kun.uz сайти ОТМга кириш имтиҳонини онлайн узатиб боради

Барчага маълумки, ҳар йили 1 август санаси ёшлар ҳаётида ўзгача аҳамият касб этади. Минглаб абитуриентлар талаба бўлиш учун билимлар майдонида куч синашади. Тест имтиҳонлари даврида шаффофликни таъминлаш ҳанузгача даолзарб бўлиб қолмоқда. Шу сабаб ҳар йил имтиҳонларни олишда жаҳон тажрибасини амалда татбиқ этишга ҳаракат қилинмоқда. Масалан Тошкент давлат юридик университетида ҳам бу йилги имтиҳонлар ўзгача ўтадиган бўлди. Kun.uz Ўзбекистон Республикаси Адлия вазири ўринбосари, Тошкент давлат юридик университети ректори, юридик фанлари номзоди Есемурат Каньязов билан суҳбат уюштирди.

“Юридик университетга кириш имтиҳонларини шаффофлигини таъминлаш мақсадида бу йилги кириш имтиҳонлари онлайн тарзда интернет ҳам телевидиние орқали тўғридан тўғри эфирга узатиб борилади”, деди Есемурат Каньязов. “Ота-оналар имтиҳон жараёнини “ЎзЭкспоМарказ”да ўрнатилган катта мониторда ёки уйдами, исталган жойдами интернет ёки телевидиние орқали ҳам кузатишлари мумкин бўлади”, деди Есемурат Каньязов. 

Шу ўринда эслатиб ўтамиз, Kun.uz таҳририяти Тошкент давлат юридик университетига кириш имтиҳонларини тўғридан тўғри узатиб боради. Ҳар бир абитуриентнинг ота-онаси, яқинлари ва дўстлари ушбу имтиҳон жараёнини онлайн кузатиб боришлари мумкин.