Нино Буржанадзе: 2008 йилдаги урушни Саакашвили бошлаган

Грузия парламентининг собиқ раиси Нино Буржанадзе RT’га берган интервьюсида 2008 йилнинг 8 августида Жанубий Осетияда юз берган ҳодисалар ҳақида айтиб ўтди.

«Саакашвили урушни бошлаган (2008-2013 йилда Грузия президенти бўлган – таҳ.). Бу фожиали ҳодисалар учун масъулият айнан унинг зиммасида. Барча ОАВ вакиллари мени Грузиянинг душмани сифатида маълум қилишган. Ҳамда ҳозирга қадар – бу ЕИ комиссиясининг суриштируви, швейцариялик дипломат Ҳайди Тальявинининг (2008 йилги можаро сабабларини текширувдан ўтказиш бўйича халқаро комиссия раҳбари бўлган – таҳ.) баёноти ва аслида нима рўй берганини ҳамма аллақачон тушуниб етганига қарамай юз берди. Грузияда урушни Саакашвили бошлаганини айтиш бироз ноқулай. Ҳеч ким бунга эътибор қаратишни ва бу мавзуда гаплашишни истамайди», - дея маълум қилди Буржанадзе.

Жанубий Осетиядаги ихтилоф грузиялик қўшинлар республика ҳудудига 2008 йилнинг 8 август куни кириб, пойтахт Цхинвални ўққа тутишганидан сўнг бошланган. Беш кунлик жанговар ҳаракатлардан кейин грузиялик ҳарбийлар республикадан чиқариб ташланган.