«Агар Коутиньо «Ливерпуль»дан кетса, исён кўтарилади». Можаро давом этади

«Ливерпуль» собиқ ҳимоячиси Жейми Каррагер яримҳимоячи Филиппе Коутиньонинг «Барселона»га ўтиши мумкинлиги ҳақидаги хабарларга ўз муносабатини билдириб ўтди.

«Ливерпуль»да Коутиньога ўринбосар топиш учун вақт йўқ. Мерсисайдликларда пул кўп бўлиши мумкин, аммо улар янги футболчи харид қила олмайди. «Ливерпуль» Коутиньонинг кетишига йўл қўйиб беради, деб ўйламайман. Агар у кетса, исён кўтарилади ва уларнинг орасида мен ҳам бўламан!» - дея Каррагернинг сўзларини келтиради Sky Sports.

Эслатиб ўтамиз, олдинроқ Коутиньо «Ливерпуль» раҳбариятидан ўзини қўйиб юборишларини сўраган ва буни электрон почта орқали клубга жўнатганди. Аммо ҳозирча жамоа унинг бу илтимосини рад этган.