Буюк Британияда дунёдаги энг қимматбаҳо болалар машинаси сотувга қўйилди, деб хабар бермоқда The Sun нашри. Ferrari Testarossa спорткарининг кичик нусхаси бўлган бу машина 75 минг фунт стерлингга (97 минг доллар) баҳоланган.
Болалар машинаси ўз ўлчамлари бўйича ҳақиқий “Тестаросса”нинг ярмича келади. 1990-йилларда махсус Harrod's дўкони учун бундай машинадан учтаси яратилган. Сотувга қўйилган машинани реставрация қилиш учун бир йилга яқин вақт кетган. Машина 5 ёшдан 9 ёшгача бўлган болаларга мўлжалланган.
Болалар “Тестаросса”си шиша-пластик кузов, ўт ўрувчи машинанинг 200 куб см лик бензинда ишловчи двигатели, очиладиган эшиклар, суриб чиқилувчи фаралар, ишчи асбоблар, жумладан спидометр, чарм билан ишланган интерьер ва ҳақиқий Ferrari спорткарининг рули билан жиҳозланган.
Болалар автомобили соатига 40 км гача тезлик билан юра олади.
Ferrari Testarossa модели 1984 йилдан 1991 йилгача чиқарилган. Спорткар 12 цилиндрли, 390 от кучига эга двигатель ва 5 поғонали механик узатмалар қутиси билан жиҳозланган. Автомобиль 100 км/соат тезликка 5,8 сонияда эриша олган. Унинг максимал тезлиги эса соатига 290 км ни ташкил қилган.