Пойтахтда қидирувда юрган шахс қўлга олинди

Жорий йилнинг 13 август куни Юнусобод туман ИИБда ўтказилаётган “Тозалаш-Антитеррор” тадбири давомида Юнусобод туман ИИБ ҲПБ профилактика инспекторлари соҳавий хизмат ходимлари билан ҳамкорликда қидирувда юрган шахсни қўлга олишди.

Бу ҳақда Кун.uz’га ИИВ Ҳуқуқбузарликлар профилактикаси бош бошқармаси хабар берди.

Юнусобод туманида жорий йилнинг 13 август куни жиноят ишлари бўйича Юнусобод туман суди томонидан Ўзбекистон Республикаси ЖКнинг 168-моддаси 2-қисми билан айбдор деб топилиб, 2017 йил 1 август кунидан буён қидирувда бўлган 1952 йилда туғилган М.Т. Сергели тумани Спутник 3-даҳаси ҳудудида ушланди.