Audi автомобиллар ишлаб чиқарувчиси Saatchi & Saatchi Bulgaria агентлиги билан ҳамкорликда хавфсиз бошқарувга доир босма реклама кампаниясини йўлга қўйди. Плакатлар руль бошқариб смартфондан фойдаланиш йўлларни қабул қилишни қийинлаштиришини намойиш қилади. Кампания ҳаддан ташқари ўзига ишонган ҳайдовчиларга йўналтирилган. BigPicture ушбу "сўзловчи" суратлар билан бўлишди.
Биринчи плакатда манзарали асфальт йўл тасвирланган, ундаги кескин бурилишни Instagram'даги сурат тўсиб турибди.
Иккинчи расмда ҳайдовчи телефонда онаси билан суҳбатлашиб туриб, темир йўлни пайқамай қолади.
Учинчи плакатда ҳайдовчи ўзидан ташқари яна бир ҳаётни хавф остига қўяди: Facebook лентасини томоша қилиб туриб, йўлга югуриб чиққан кийикни кўрмай қолади.