Фото: «Ўзбекистон24»
Ўзбекистонда эртадан 1 АҚШ доллари 8100 сўмга тенг бўлади.
Ўзбекистон Республикаси Марказий банки хорижий валюталарнинг сўмга нисбатан 5 сентябрь санасидан кучга кирадиган янги қийматларини эълон қилди.
Янги курсга кўра, 1 долларнинг қиймати 8100 сўмни ташкил қилмоқда. Доллар ўтган ҳафтадаги курсга нисбатан 3889 сўм 65 тийинга қимматлади.
1 евро қиймати 4678,6 сўмга ошиб, 9645 сўм 48 тийинга етди.
1 Россия рубли 139,91 сўм этиб белгиланди, бу ўтган ҳафтага нисбатан 68,73 сўмга кўп.
Эслатиб ўтамиз, 3 сентябрь куни Ўзбекистон президенти Шавкат Мирзиёевнинг «Валюта сиёсатини либераллаштириш бўйича бирламчи чора-тадбирлар тўғрисида»ги ПФ-5177 сонли фармони имзоланди ва бу фармон 5 сентябрдан кучга кириши маълум қилинди.
