Фото: KUN.UZ
Тошкентдаги "Ўзэкспомарказ"да 15-17 сентябрь кунлари Қозоғистон миллий маҳсулотлари кўргазмаси бўлиб ўтмоқда. Мазкур тадбир Қозоғистон Республикаси Президенти Нурсултон Назарбоевнинг мамлакатимизга давлат ташрифи доирасида ташкил этилди.
KUN.UZ мухбирининг хабар беришича, 16 сентябрь куни Ўзбекистон Республикаси Президенти Шавкат Мирзиёев ва Қозоғистон Республикаси Президенти Нурсултон Назарбоев кўргазмага ташриф буюриб, экспозициялар билан танишишди.
Мазкур кўргазмада Қозоғистоннинг автомобилсозлик, тўқимачилик, озиқ-овқат, электротехника, қурилиш материаллари ва бошқа тармоқларда фаолият кўрсатаётган етакчи компанияларининг маҳсулотлари намойиш этилмоқда.
