Тошкентда Марказ-5, “Жасорат” ҳайкалидан Мустақиллик майдонига элтувчи Шароф Рашидов шоҳкўчасининг бир қисми транспорт ҳаракати учун яна очилди.
Бу ер 2000-йилларнинг ўрталарида ёпиб қўйилганди. Аввалги йўл жойлашган ерда эса ўзига хос яшил ҳудуд барпо этилган.
Қурувчилар бир неча кун ичида яшил ҳудудни буткул тозалаб ташлашди ва асфальт ётқизишди. 9 октябрдан бошлаб Шароф Рашидов шоҳкўчасининг бу қисмида транспорт ҳаракати тикланди.
Ушбу йўлнинг очилиши Амир Темир шоҳкўчасидаги тирбандликнинг олдини олишда қўл келиши лозим. У Юнусобод туманини Тошкент маркази билан боғлайди.
