Япониянинг Yamaha компанияси уч ғилдиракли Niken мотоциклини намойиш қилди. Мотоциклнинг видеотақдимоти компаниянинг Европадаги бўлимининг YouTube’даги каналида жойлаштирилган.
Компаниянинг таъкидлашича, бу мотоцикл дунёдаги энг барқарор мотоцикл ҳисобланади. Трициклнинг ўзига хос жиҳати диаметри 15 дюймли иккита олд ғилдираги ҳисобланади. Мотоцикл тақдимоти Токио автосалонида бўлиб ўтган. Унинг техник тафсилотлари ошкор қилинмаган.
Компания автосалонда шунингдек сунъий онг ёрдамида бошқарилувчи Motoroid электр мотоцикли концептини намойиш қилди.
45-сонли Токио халқаро автосалони 27 октябрдан 5 ноябргача давом этади.
