Путин пайшанба кунги машқларда тўртта баллистик ракетани учирди

Фото: РФ Мудофаа вазирлиги

Владимир Путин кеча кечқурун стратегик ядровий кучларни бошқариш бўйича машғулотда иштирок этди. Бу ҳақда Россия Федерацияси президенти матбуот котиби Дмитрий Песков хабар берган.

"Машғулот чоғида Шимолий ва Тинч океани флотлари атом сувости кемалари, стратегик мақсаддаги ракета қўшинлари, Россия Федерацияси ҳаво-космик кучлари узоқ авиациясининг ўзаро ҳаракатланиши бўйича ишлар олиб борилди", - деган Песков.

Россия президенти матбуот котибининг қўшимча қилишича, Путин тўртта баллистик ракетани учирган.