Тошкентда анҳорга ярим тунда тушиб кетган аёлнинг ҳаёти сақлаб қолинди

2017 йилнинг 26 октябрь куни, Тошкент шаҳар ИИББ ходимлари томонидан Шайхонтоҳур тумани ҳудудида хизмат олиб бораётган вақтларида, соат 00:30 ларда, Шоходонтепа кўчаси ёнида жойлашган “Анҳор” сув бўйида, 1988 йилда туғилган фуқаро М.Х. ўзининг эҳтиётсизлиги оқибатида оёғи сирғаниб сувга тушиб кетганлиги аниқланган. Бу ҳақда пойтахт ИИББ хабар берди.

Шундан сўнг, Тошкент шаҳар ИИББ ППХ бригадаси ходими ва Шайхонтоҳур тумани ИИБ профилактика инспекторининг тезкор ҳаракатлари натижасида М.Х.нинг ҳаёти сақлаб қолинган ҳамда унга тез тиббий ёрдам кўрсатилиши таъминланган.